"Pasok ka, hijo." Narinig kong sabi ni mama.
Napaayos ako bigla ng upo nang si Noah na nga ang taong nasa labas. Bigla ay pabilis na rin nang pabilis ang pagpintig ng puso ko. Bakit ba ako biglang kinakabahan? Ni ang pagkain ko ng almusal ko ay hindi ko na naituloy.
"Saktong kakatapos ko lang magluto, sabayan mo na kaming mag-almusal." Napalunok ako nang kasama na ni mama si Noah patungo rito sa dining area. Mabilis akong nag-iwas ng tingin at tinuon ang atensyon sa aking pagkain.
"Good morning, sir," rinig kong bati ni Noah kay papa. Ako ay hindi inabalang tignan siya, kunware ay hindi ko sila napapansin.
"Magandang umaga rin sa 'yo, hijo. Halika, maupo ka, samahan mo kaming mag-almusal. Saktong-sakto ang dating mo. Maupo ka sa tabi ni Angelique." Tuluyan akong napa-angat ng tingin sa
