Pagdating namin sa lugar nila Lolo at Lola ay sobrang layo nito sa lugar namin, maingay dito maraming tao sa labas at sobrang daming bahay. Halos magkadikit-dikit lang ito at napakaraming bata na naglalaro sa kalsada.
"Anak!" salubong sa amin ni Lola. "Ito na ba ang mga apo ko? Anlalaki niyo na!" at niyakap niya kami.
"Magandang hapon Lola," bati ko sa kaniya.
"Hali kayo, pasok-pasok," aniya at ipinasok muna namin ang mga gamit namin.
Hindi kami nagtagal sa labas dahil halos lahat ng mga mata ay nasa amin, tsaka nagbubulong-bulongan ang mga nanay sa labas. Alam ko naman na kami ang kanilang pinaguusapan dahil bago lang kami dito at tsaka hindi na bago sa amin 'to.
Pagpasok namin sa bahay ni Lola ay maliit lamang ito hindi naman talaga medyo kalakihan at may tatlong kwarto, isang
