25. #TheCovenant
Maliwanag. Maganda. Maaliwalas. Walang polusyon. Nakangiti ang lahat ng tao. Tao nga ba sila? Ito ang lugar na kinaroroonan ngayon nila Tasya.
Nilanghap niya ang sariwang hangin na humahampas sa kanyang mukha at katawan. Napakaberde pa ng mga puno. Hindi malabong sariwang hangin ang binibigay ng mga iyon.
Isa pang paglanghap ang kanyang ginawa. “Napakaganda rito sa Origin.” Sambit niya ng buong pagpupuri at paghanga sa lugar.
Hinawakan ni Jelan ang kanyang kanang kamay habang sabay silang nakamasid sa buong kapaligiran sa mundo ng mga Exist. Nasa itaas sila ngayon ng isang malaking puno na kung tawagin ay “puno ng lihim” dito sa Origin. Isang gabi na ang lumipas magmula ng makarating sila rito. Nakapiit na si Jeana Aseana. Nakapaglibot na rin sila. Sinusulit nalang ng
