26. #SavingLove
Mabilis na tinungo ni Jelan ang puno ng lihim kung saan niya huling iniwan si Tasya. Hindi na niya nagawang itago pa ang sarili sa pamamagitan ng kapangyarihan. Kitang-kita ng lahat ng mga kapwa niya Exist na madaanan niya ang kanyang paghangos. Tila hindi siya napapagod sa pagtakbo. Pawisan na at halata na ang pagkahapo sa mukha niya ngunit hindi iyon dahilan para siya ay tumigil. Wala ang pagod. Wala ang pawis. Wala ang pagkahapo. Nais niya lang makita ang pinakamamahal. Natatakot siya. Alam niyang kailangan nito ng tulong. Tulad ng isinumpa niya kay Tasya ay kailangan niya itong mailigtas. Hindi niya ito maaaring biguin.
“Ahhhhh!!!” muli niyang narinig ang pagtangis ng sinisinta. Sa pagkakataong ito ay tila mababakas sa tinig nito ang sakit at paghihirap. M
