Mula sa nakaawang na pintuan ng silid ni Abby ay maingat siyang naglakad papalapit dito para silipin ang asawa. Subalit nabulaga siya sa pagkabigla dahil sa mga matang sumalubong din sa kanya. Kaya nanlaki ang kanyang mga mata at napahigpit ng hininga. Kumabog na rin ng malakas ang dibdib niya dahil dito. Sumakto kasi sa nakasilip na mga mata ng asawa ang kanya ring mga mata. At huli na para umatras pa.
"J-Jacob?" bulong niya sa sarili na tila ba hindi na alam ang gagawin.
"Sisilipin mo rin ako, Mahal?" pabulong na tanong ni Jacob sa asawa habang may matamis pang ngiti sa labi. Hindi niya kasi inaasahan na sisilipin pa siya ng asawa matapos sila nitong iwan sa sala kanina. Kaya naman ay parang tumatalon ngayon sa tuwa ang puso niya. Napatunayan niya kasi na sa kabila ng galit, pagtatab
