Nakahanda na ang mga gamit niya. Naisalansan na niya lahat sa backpack kahit ang mga marumi nang damit na isinuot noong nakaraang mgaa araw. Sinigurado niyang wala siyang naiiwan. Sukbit niya ang bag pagbaba. Ang cellphone at pitaka ay nakasilid sa sling bag. Sa bus na lang siya magtsa-charge. Wala na siyang oras. Sa kusina siya dumiretso. Nakakatakam ang bango ng mga pagkaing naaamoy niya.
“Ano na, Lydia, tapusin mo nang hiwain iyang mangga.”
“Heto na po, Manang, binilisan na nga.”
Nakakatuwang tingnan ang mga ito. Nakakaaliw ring pakinggan ang pamilyar na tunog ng mga kalansing ng mga gamit.
“Magandang umaga, ho, Aling Paulina, Aling Lydia.”
Parehong napalingon ang dalawa sa kanya at gumanting bati. Ngunit nang makita ang mga gamit na inilapag niya muna sa mesa, nagkatinginan ang
