Mag-isa na lang si Nina sa kama nang magising kinabukasan. Parang lumiyo ang utak niya. Binalikan niya ang nangyari kagabi. Luminaw sa kanya na nagpalipas siya ng gabi sa bahay ng ibang tao. Sa unit ni Kuya Baxter.
Naging matunog ang pagpakawala niya ng malalim na buntung-hininga.
Saka niya naisip kung totoo nga ba na magkatabi sila ni Baxter kagabi at kung totoo ang mga narinig niyang sinabi nito.
“Dito ka lang sa tabi ko…akin ka lang…”
Malinaw na nag-replay sa isip niya kung paanong parang naghihirap ang damdamin nito. At ang maliliit na mga halik na ‘yon… Napahawak siyang bigla sa balikat na nadantayan ng mga labi nito. Parang ramdam niya pa rin hanggang ngayon ang mainit at malambot nitong bibig sa balat niya at dama ang yakap ng braso nito sa kanyang katawan.
Sigurado siya, dal
