“TULUNGAN MO ‘KONG MAHANAP ANG NAGTATAGLAY NG PANANDA,” walang ligoy si Sebastian nang makapasok sa maliit na kubo ni Inang sa gitna ng kakahuyan.
Mataman lang siya nitong tiningnan, matipid na ngumiti at saka ipinagpatuloy ang pagdidikdik ng mga dahon.
“Malaki ang posibilidad na nasa panganib si Jada, Inang,” kinonkontrol niya ang paglabas ng emosyon sa boses na una niyang ginawa dahil unang beses lang na makaramdam siya ng matinding pag-aalala. Hindi gusto ni Sebastian na para siyang bulag na hindi makita ang hinahanap dahil hindi niya mismo alam kung ano ang hinahanap. Sa kasalukuyang sitwasyon ay alam niyang si Jada ang kailangan niyang makita. Pero kasabay ng pagkawala nito ay parang may napakalaking bagay din na nawala sa paligid niya at hindi siya mapakali.
“Alam mo bang kung
