Sa unang tapak ng aking mga paa sa lupang dapat ay sa amin ng ama ko ay mabilis na animo'y kidlat na rumagasa ang mga alaala ng aking kabataan. Kung paano ako tumakbo-takbo at makipaghabulan sa mga alaga namin noon. Nasa gate pa lang ako ay ramdam ko na ang kaba.
"Katana? Hija, ikaw na ba 'yan?"
Dumako ang tingin ko sa matandang tumawag ng aking pangalan. May tungkod na ito at bahagyang nakukuba dahil sa katandaan. Kumunot ang noo ko nang makilala siya at napangiti ako nang malaki.
"Lola Merced?" Lumapit ako sa kaniya at nagmano bilang paggalang.
Si Lola Merced ang assistant noon ng lola ko sa pamamalakad ng Hacienda. Siya rin ang tanging kakampi ko sa lugar na ito noon.
"Kumusta po kayo?"
"Hija, bakit ngayon ka lang! Kanina pa kita hinihintay, lagot kana naman sa uncle mo."
Ku
