Hindi ko alam kung bakit namumutla si Blade habang nakatitig sa gate ng isa sa pinakasikat na amusement park. Pinagpapawisan din nang malapot ito kahit na alas singko na ng hapon at medyo mahangin.
"Nakakuha na ako ng tickets! Lima!"
Si Tris ang pumila at kasama namin si Drew dahil humabol siya. Nagsimula na kaming maglakad papasok nang mapansin kong hindi gumagalaw sa kinatatayuan niya si Blade. Bumalik ako para hawakan siya at kalabitin. Napatingin naman siya sa akin atn nagtaas ng kilay.
"Ano? Forever kana diyan?"
"What a boastful witch."
Ngumisi lang ako at hinawakan siya sa braso at hinila. Sabay-sabay kaming pumasok sa amusement park at kaniya-kaniya kaming pili ng rides na unan naming susubukan.
"Ferris wheel?" suhestiyon ni Hate.
"Boring!" sabay na sambit namin ni Tri
