Iris POV
Normal lang naman ang mapahiya paminsan-minsan, makakalimutan niya rin 'yon.
Bumuntong hininga ako.
Narinig ko ang pagpasok ni Mr. Andrado sa banyo. Mukang maliligo na. . .
Balak ko sanang matulog na kaagad habang wala pa siya sa paligid ko pero nakalabas na siya't lahat sa banyo ay hindi pa rin ako dinalaw ng antok. Mulat na mulat ang mata ko.
Kahit nakataklob ng kumot ay naamoy ko pa rin ang mabangong shower gel niya. Ang yaman yaman ng amoy. Ibang iba sa shower gel na nasa kwartong tinutuluyan ko.
Dahan dahan kong inalis ang kumot at sinilip si Mr. Andrado. Kung kanina naka-itim na sando siya, ngayon ay puti naman. Naka-boxer pa rin siya. Naka-upo siya sa gitna ng kama, nakasandal sa head board at nagbabasa ng papeles.
"Mr. Andrado. . ." mahinang tawag ko sa lalaki. W
