Iris POV
"Anong ginagawa ng mga 'yan dito?"
Sabay kaming tatlo nila Kuya General at Doc. Seb na napatingin sa likuran namin nang marinig namin ang boses ni Mr. Andrado.
"Mr. Andrado!" gulat na bulalas ko. Napatayo pa ako at agad na nilapitan siya. Kinuha ko ang gamit na hawak niya.
Ang aga niyang umuwi. Hindi pa lumulubog ang araw kaya medyo nagulat ako.
"And Mr. Andrado? Hindi ba sinabi ko na sayo na Damian na lang ang itawag mo sa akin?" sabi niya.
Iyon ang isa sa napag-usapan namin kagabi. . . bago kami tuluyang natulog.
Nakakunot ang noo niya habang nakatingin sa mga kapatid niya. Pero kahit na sa iba nakatutok ang mata niya ay gumalaw ang kamay niya at hinawakan ang likod ng leeg ko, hinila niya ako papalapit sa kaniya at hinalikan ang noo ko. . . sa harapan ng mga kapatid niya
