MIKA
Tulog na tulog si Niko ng lumabas ako ng kwarto. Alas otso na ng gabi at mukhang hindi pa nakakauwi si Uno dahil ng bumungad ako sa kusina, nandito pa rin ang pagkain na tinakpan ko para sa kanya.
Maaga akong nagluto kanina bago dumating ang abogado na kakilala niya di umano. Wala siyang sinabi sa akin na may pupunta dito pero dahil kasama si Daisy kaya pinapasok ko ang abogado. Out of my mind, hindi ko sukat akalain na kinasuhan niya talaga ako. Wala akong ibang naging reaksyon kanina kundi ang mapaang na lang kaya hanggang ngayon sumisilakbo pa rin ang yamot sa aking sistema.
Uminom lang ako ng tubig at lumabas ng kusina para patayin na ang mga ilaw sa sala pero napatigil ako ng basta dumating si Uno.
Tiningnan ko siya hanggang sa maisara niya ang pinto. Medyo nanliliit na ang
