CHAPTER 93
THE MAFIA LADY BOSS
JOEMAR ANCHETA
Tumayo si Mia. Paikot-ikot. Hindi kasi niya alam ang gagawin. Wala siyang alam sa ganito. Pumapatay siya at hindi bumubuhay. Muli siyang uupo sa kama, pinagmamasdan si Liam na wala siyang magawa. Bubuntong-hininga. Anong gagawin niya?
Ilang sandali pa ay tumunog na ang kanyang cellphone. Mabilis niya itong tinignan.
Si Eagle ang tumatawag. Nawala yung naramdaman niyang tuwa. Umasa kasi siyang ang Mommy ni ni Liam ang tumatawag. Paniguradong alam na nito ang ginawa niyang pagtakas sa kanilang bihag. Nakatitig lang siya sa screen ng kanyang cellphone. Sasagutin ba niya ang tawag?
Huminga siya ng malalim. Naroon yung kaba niya. Yung takot. Nakulong at nabuhay siya sa matagal na panahon sa takot na ito. Ngunit lalabanan na niya ngayon an
