CHAPTER 91
THE MAFIA LADY BOSS
JOEMAR ANCHETA
Tumayo ang dalawa at umalis sakay ang motor nila.
“Matulog ka muna boss, ako na muna ang magbabantay riyan.”
“Hindi na, ikaw na muna Dante ang matulog. Para mamayang tanghali, ako naman ang matutulog.”
“Sige bossi.” Tumayo ito. Nagmasid muna si Mia sa paligid bago siya sumunod kay Dante sa loob ng bahay.
Nataranta siya nang sa kuwarto kung saan nakakulong si Liam ito papasok. Ipipihit na nito ang seradura ng pinto. Hindi pwedeng makita nitong nakalagan na niya ang kanilang binabantayan.
“Dante!” hinawakan niya ito sa balikat. “Ba’t kailangan diyan ka pa matutulog e nandiyan yung binabantayan natin? Do’n sa kabilang kwarto ka o kaysa sa taas may mga kwarto do’n na pwede mong tulugan.”
“Sige boss. Sisilipin ko lang sana ang bihag
