CHAPTER 101
THE MAFIA LADY BOSS
JOEMAR ANCHETA
“Ate, totoo ba?” nanginginig ang kanyang kamay. Hindi alam ni Mia kung tutukan niya din ng baril ang kanyang alaga ngunit mukhang alam na niya ang dahilan kung bakit gano’n si Dodong sa kanya. Hindi niya alam kung paano niya ito ipaliliwanag lalo pa’t alam niyang noon pa man ay pinaghandaan ni Dodong ang paghihiganti.
“Ang alin?”
“Akala ko ba, totoo ka sa akin. Akala ko wala kang inililihim sa akin. Ate, dapat una palang sinabi mo na sana sa akin?” Biglang umagos ang pinipinigilang luha, “Bakit kailangan mong maglihim?”
“Ang alin nga.” Kahit alam na ni Mia ang pinupunto nito ngunit hindi niya dapat pangunahan. Naisip niya agad si Lucas. Siya lang ang nakakaalam sa sikretong iyon.
“Huwag ka nang magmaang-maangan pa Ate. Alam na alam mo
