"What?! Ano'ng nangyayari?" Napatayo ako at sumilip sa labas ng pinto. Nagtatakbuhan ang mga tao at nagtitilian. May mahihinang putok ng baril akong naririnig.
"May nag-aamok sa ground floor, nagpapaputok ng baril, Boss!" Natatarantang sabi ni JR. "Naro'n pa naman si Gerald."
"Call him. Make sure na safe sila ni Victor." Isinara ko ang pinto saka inilabas ang baril. Tinungo ko si Hannah at inalalayang tumayo. Mabuti't inalis na ng nurse niya kanina ang dextrose niya.
Tinawagan ni JR si Gerald, sumagot ito at inilagay sa loud speaker ang phone. Rinig na rinig namin ang putukan sa ground floor. "Boss! Naliligo na kami sa bala dito! Mukhang marami ang nagpapaulan ng bala sa ground floor ng ospital!"
"Nasaan ka? Make sure you and Victor are safe. Huwag na kayong makipagsabayan sa kanila.
