Hindi mapigilan ni Warson na ngumiti habang naglalakad sa loob ng mall. Masaya kasi ang pakiramdam niya ngayon lalo na at hindi nasayang ang kanyang paggising ng maaga, pagbiyahe at paglalabas ng pamasahe saka ang pagsusuot niya ng business suit dahil nakapasa siya sa job interview. Sa wakas, may trabaho na siya.
Nakapasok siya bilang isang online support staff ng isang apparel company. Excited na tuloy siyang sabihin sa kuya Warren niya ang magandang balitang ito.
Nililibot ni Warson ang paningin sa loob ng mall. Medyo maraming tao ngayon sa loob at namamasyal. Naisipan niyang pumunta sa mall para kumain kaya naghahanap rin ang mga mata niya ng pwedeng kainan na fast food chain pagkatapos ay uuwi na rin siya para ihanda ang mga requirements na ipapasa niya.
Mas lalong napangiti si Wars
