Pumasok sa isang malaking kwarto dito sa mansyon sila Rodrigo at Oliver. Tiningnan ni Oliver ang bawat sulok ng magiging kwarto niya. Mababakas sa kanyang mga mata ang pagkamangha sa laki at ganda nito.
“Ito ang magiging kwarto mo,” wika ni Rodrigo na ikinatingin ni Oliver sa kanya.
“Talaga?” hindi makapaniwalang tanong ni Oliver.
Tumango-tango si Rodrigo. Umiwas nang tingin si Oliver at nilibot ang tingin sa kabuuan ng kwarto. Bukod sa ang laki, napakaganda pa at kumpleto sa gamit. Kung titingnan ito, parang kwarto ito sa isang five star hotel at ang isa pa sa gusto niya ay ang lamig-lamig sa loob.
Dahan-dahang naglakad si Oliver papunta sa malaking kama. Nang makalapit doon ay kaagad siyang umupo at inalog-alog ang sarili sa ibabaw nito.
“Wow! Ang lambot nitong kama parang ulap at a
