NAKATITIG lang ako sa kawalan habang ang professor namin ay patuloy sa kaniyang discussion. Ang isip ko ay paulit-ulit na bumabalik sa naging pag-uusap namin ni Phillip kagabi. Masakit para sa akin ang palayain siya. Gusto ko mang bawiin ang sinabi, wala na akong magagawa. May apat na buwan pa naman ako para makasama siya. Apat na buwan bago ako makapagtapos sa kurso. Pagkatapos noon ay tuloyan na kaming maghihiwalay. Ang isipin pa lang iyon ay labis nang dumudurog sa puso ko. Nakakainis dahil gustong gusto ko siya noon pa. Hindi ako tumitingin sa ibang lalaki dahil ang mga mata ko ay nakatuon lang sa kaniya noon pa man.
Litong-lito na ako. Hindi ko na alam kung saan ako lulugar. Ayaw kong bumalik sa poder ni Daddy. Pagtatawanan lang ako ni Helena at makikita ko si Sabrina. Pero wala nama
