Papunta na dapat si Alaysha sa opisina ni Dylan habang bitbit ang ilang mga paperwork. Napatigil lang siya sa paglalakad nang harangan siya ni Clarice. Kumunot ang noo niya at napatanong sa isip kung ano na naman ba kailangan nito sa kanya ngayon?
“Siguro ay masaya ka na ngayon, no?”
Kumunot ang noo niya. “Anong ibig mong sabihin? Ano ba ang dapat na ikasaya ko?”
Namewang ito at tinaasan pa siya ng kilay. Maldita talaga ang babaeng ‘to! “Huwag ka nang magkaila, Alaysha, alam kong pinagtatawanan mo ako sa loob-loob mo at nagdidiwang ka dahil sa nangyari sa akin sa opisina ni Sir Dylan, dahil napahiya ako. Tama ako, ‘di ba?”
Syempre hindi siya nagpatalo dito. Pinamewangan niya din ito at mas tinaasan ng kilay. “Excuse me, Clarita este Clarice...”
Sa tingin niya ay mas bagay pa ang pan
