GRACE
Pagkagising ng dalaga ay agad siyang bumangon mula sa kama at tumayo na. Natigilan siya nang makitang nakasandal sa upuan si Sir Nathaniel at nakaawang ang bibig nito. Hindi ba nanakit ang leeg nito? Sa posisyon pa lang ay alam niyang pagkagising nito ay magkakaroon ito ng stiff neck. Nakatulog ito sa sobrang pagod kaya natulog itong nakaupo sa sofa. Pinilit niya itong matulog sa kama niya ngunit tumanggi naman ito sa kanya. Tumayo na siya at sinuot niya ang slippers niya. Naglakad siya patungo sa mesa at inayos ang nagkalat na mga papel at mga kagamitan nito na kung saan-saan nito nilagay.
Nang matapos niyang ayusin ang kagamitan nito sa mesa ay napatingin siya sa lalaki na hindi maayos ang pagkakasandal ng ulo nito kaya lumapit siya rito at maingat niyang hinawakan ang ulo nito.
