ALEIA
Nakapikit ang kanyang mga mata dahil abala sa paglalagay ng kolorete sa kanyang mukha at pati na rin ang hair stylist niya ay abala na rin sa pag-aayos ng buhok. Ito ang unang araw na pagbabalik niya rito sa Pilipinas bilang modelo ng isang branded na damit. Kung hindi siya sinuswerte sa labas ng bansa ay dito niya babawiin kung ano ang nawala niya. Dito siya magsisimula ng panibago at aayusin niya ang relasyon nilang mag-asawa. Alam niyang hindi siya nito kayang matiis kaya gagawin niya ang dapat niyang gawin upang bumalik ito sa kanya.
“Alam mo ba, nakita ko si Architect Santino sa private restaurant at may iba siyang babaeng kasama.”
Hinawi niya ang kamay ng makeup artist niya upang tingnan kung sino ang nagsasalita. Pinatigil niya muna ang nag-aasikaso sa kanya. Gusto niyang m
