GRACE
“Are you okay, Miss?”
Napatitig siya sa lalaking nagmamaneho. Kung hindi dahil sa lalaki na ito ay hindi na niya alam kung paano siya uuwi dahil wala pa naman siyang pera at wala siyang alam kung ano ang mga lugar sa Amerika. Hindi niya nga alam kung saan si Sir Nathaniel. Bigla na lang siya nitong iniwan at wala na siyang balita kung saan na ito ngayon. Tinawagan niya ito, pero hindi man lang ito sumagot sa kanya.
Tumikhim muna siya bago niya ito sinagot, “I-I’m okay po.”
Jusko ba naman! Mukang nosebleed ang kinalabasan niya rito. Hindi pa naman siya gaano marunong magsalita ng ingles pero nakakaintindi siya. Basic lang ang alam niya at ayaw niyang maubusan siya ng dugo sa harapan nito.
“Saan na ba kasi si Sir Nathaniel?” mahinang usal niya.
Ayaw niyang maubos ang dugo niya s
