GRACE
Napatitig siya sa maaliwalas na kalangitan. Nandito siya ngayon sa isang isla kung saan ay nagtatrabaho si Sir Nathaniel. Excited pa naman siya dahil akala niya ay uuwi sila sa Pilipinas, iyon naman pala’y sa Lake George siya nito dinala. Niyakap niya ang kanyang binti at dinantay niya ang kanyang baba sa kanyang tuhod. Tinanaw na lang niya ang pababang araw. Habang napatitig siya sa araw ay nakaramdam siya ng gaan sa pakiramdam niya. Katulad na katulad ng araw ang naramdaman niya, kapag nakikita niya ang haring araw ay umuusbong ang kanyang pag-asa na balang araw ay makakaahon siya at magsisimula ng panibago. Paulit-ulit ang takbo ng buhay na kahit dumapa ay babangon pa rin. Umiikot-ikot na walang tigil na pag-ikot hanggang sa ikaw ay maging matayog ang lipad. Kahit anong hila ng m
