Chapter 29
Tatlong linggo na ang nakalipas mula nang huli kong nakausap si Rico—at mula nang masunog ang mansyon na pinaghirapan ng mga magulang ko. Mabilis kaming nagpagawa ng panibago, ngunit mas pinatibay na ito ngayon: bulletproof ang buong estruktura. Mungkahi ni Tita Yell na lagyan ito ng lihim na underground bunker na kami lamang ang may alam, bilang paghahanda sakaling muling bumalik ang mga taong may masamang balak sa amin. Isang lugar na maaari naming pagtaguan kapag wala na kaming ibang matakbuhan.
Sinimulan na rin ni Tita Yell ang paghahasa kay Hazler paggamit ng baril, pati mga basic karate moves na maaaring magsilbing depensa niya kung sakaling malagay siya sa panganib.
Nasa training area ako, pawis na pawis habang walang tigil na sinusuntok ang punching bag sa harap ko. R
