Tatlong araw ng nasa pampanga si Joymi pero hindi pa rin siya nakakatanggap ng text o tawag mula sa asawa. Nag-reply lang ito ng 'Sige, Magingat kayo riyan.' Sa mensaheng iniwan niya rito pero pagkatapos no'n ay wala na. Pakiramdam niya tuloy ang tuwang-tuwa pa itong wala sila roon.
"Huwag mo sanang mamasamain, Anak, ha? Hindi rin naman sa pinapaalis na kita. Masaya ako na nandito kayo ng mga apo ko, kaya lang ay tatlong araw na kayong narito. Hindi pa ba kayo hinahanap o pinapauwi ni Franz? Hindi niya pa ba nami-miss ang mga bata?" tanong ng kaniyang ina habang naroon sila sa may hardin at pinapanood ang dalawang batang naglalaro ng piko sa may hardin.
Umiling naman si Joymi bilang tugon. "Isang beses lang po siyang nag-message sa akin. At iyon po ay noong umalis pa kami. Sumagot lang s
