Pananapatan sa bisperas ng Undás o Araw ng mga Patay ang pangángaluluwá. Kadalasang grupo ng mga batà o kayâ'y kabataan ang gumagawa nito. Tumatapat sila sa mga bahay, gaya ng ginagawa sa harana at karoling, at sa pamamagitan ng pag-awit ay nagkukunwari silang mga kaluluwang naligaw mula sa purgatoryo. Ang mga napupuntahang bahay ay inaasahang mag-aabuloy ng mga kakanin o kayâ'y maliit na halagang mabibitbit ng mga "kaluluwa" pabalik sa mundo ng mga patay.
Halimbawa ng kanilang inaawit:
Kaluluwa kaming tambing
Sa Purgatoryo nanggaling
Duon po ang gawa namin
Magdasal at manalangin
Kung kami po'y lilimusan
Dali-dalian po lamang
Baka kami'y mapagsarhan
Nang pinto sa Kalangitan
Nang gabing iyon ay napakaraming kabataan at bata ang ilang beses na nangaluluwa sa aming tapat. Mga batan
