Page 28
*****
"Good morning po," magalang kong bati nang maabutan ko ang babaeng katiwala sa may kusina. Agad-agad naman ako nitong nilingon.
"Ay, magandang umaga naman sa iyo," ngumiti ito at marahang lumapit. "Nakapagluto na po ako ng almusal pero kung may gusto pa kayong ipaluto, sabihin niyo lang."
"Naku nag-abala pa po kayo. Kaya ko naman na po 'yan."
May edad na ang babae, si Ate Baby, pero hindi naman ganun katanda, siguro mga nasa 50's na ito.
Naupo ako sa harap ng lamesa at tinignan ang nakahain na pagkain, "Kain po tayo."
"Sige lang, nakakain na rin naman ako," sagot nito.
"May nga gumagawa pa po ba sa labas?" Tanong ko.
"Ay, wala ngayon. Pina-uwi muna sila lahat ni Sir Allen."
"Ganun po ba," tumango ako.
"May ipapagawa po ba kayo?" kuryosong tanong ni Ate Baby
