Nakatingin lang si Sebastian sa kisame ng kwarto kung saan sila natutulog ni Tahnia. Kay himbing ng tulog ng katabi niya at humihilik pa. Napapangiti na lang siya habang pinakinggan ang hilik ng babae. Hindi siya makatulog dahil sa dami ng iniisip niya, pero hindi problema kundi masasayang mga bagay.
Kay gaan ng pakiramdam niya. Kay saya ng puso niya. Hindi niya lubos akalaing matapos ng lahat ng pinagdaanan nila—lahat ng hirap—ay sasalubungin siya ng isang napakagandang balita.
He’s going to be a father. Just the thought of it excites him. Kanina pa siya nag-i-imagine ng mga gagawin niya kapag naging ama na siya. Kung lalaki ang magiging anak nila ay sisiguraduhin niyang lalaki itong kagaya niya o mas higit pa sa kanya. Sisiguraduhin niyang lalaki itong habulin ng mga babae pero may re
