Chapter 53: Tamang Gawin
HABANG nakatingin si Conal kina Margaux at Lunos ay unti-unting dinudurog ang kanyang puso. Hindi niya kayang makita ng ganoon ang dalaga kahit pa alam niyang may ginawang masama si Lunos kay Margaux.
“Palagi mong iisipin ang misyon, Kuya.” Bulong ni Teejay. Hindi pa nito binanggit ang kanyang pangalan baka mayroong makarinig at magtaka sa kanila. Malakas ang kanyang kutob na kalat na sa mundo ng mga bampira ang kanyang pangalan. “Hindi alam ng aking kapatid kung sino at ano ang iniisip niya ngayon dahil pinainom ni Lunos ang itim na likido,” sobrang hina na talaga niyon na pagkakasabi ni Teejay.
“Palagi mong iisipin ang misyon, isang pagkakamali lang ay mauuwi ang lahat ng ito sa wala,” paalala ni Raxos.
Ipinikit ni Conal ang kanyang mga mata. Pinilit niyang
