Hindi alam ni Dane kung saan hahanapin si Natalie.
Nag-hire na si Dane ng investigator para mahanap si Natalie. Nagpa-blotter na rin siya at nag-file ng missing person report. Pinatanong na niya sa lahat ng airlines at barko. Ngunit isang bagay lang ang sigurado ni Dane—nasa Pilipinas pa rin si Natalie. Ang tanong, saang sulok ng bansa niya ito hahanapin?
Malinaw na maaaring nagtago na si Natalie, lalo na’t hindi niya makalimutan ang sinabi niya rito: huwag na siyang magpakita. Ngunit ngayon, hinahanap niya ito kahit saan, dala ng hindi maipaliwanag na pangungulila at pagkabahala.
Isang buwan na ang nakalipas. Nasa office table niya si Dane ng maalala ang kalagayan ni Natalie. Buntis pa naman siya. Tumayo siya at lumakad papunta sa may bintana. Malayo ang kaniyang tingin.
Pumasok si Pa
