— Fritzzel —
"Ito na ba 'yung grocery, Fritz?" tanong ni Orvil at tinuro ang super market. Tumango ako.
Malapit lang sa mansion ang super market na 'to kaya hindi na kailangan pang sumakay. Sabay-sabay kaming pinagtinginan ng mga tao sa loob kaya tinaasan ko sila ng kilay na ikinaiwas ng tingin nila.
Alam kong guwapo ang mga aso ko at dyosa ako pero 'wag n'yo naman masyadong ipahalata, ha.
"Ano bang gusto n'yong ulam?" taas kilay na tanong ko sa kanila.
Nagkatinginan muna silang lima bago tumingin ulit sa 'kin.
"Ikaw magluluto?" tanong ni Gail.
"Hindi, shokoy. Papaluto ko roon sa pusa ko," sarkastikong sagot ko kaya napakamot siya sa ulo niya. "Mukha bang may ibang tao sa bahay maliban sa atin?" dugtong ko pa.
"Oo nga pala. Bakit kasi wala kang maid?" natatawang sagot at tanong n
