"MAHAL. . ." halos pabulong na wika ni Joaquin habang ang mga mata'y diretso ang tingin sa akin. Mahahalata ang panghihina sa kaniyang boses nang siya ay magsalita ngunit kay aliwalas ng kaniyang mukha. Mas maaliwalas pa nga ito ngayon kaysa noong huli kaming magkita.
May bahid ng ngiti ang kaniyang mga labi at ang mga mata niya'y kay pupungay kung makatitig sa akin. Tila nangungusap ang mga iyon at nagpapahiwatig ng kagalakan.
Nagbawi ako ng tingin nang biglang magsalita ang doktor na kanina'y nagsasagawa ng pagsusuri kay Joaquin.
"Maayos na po ang kalagayan ng inyong mister, Mrs. Mendez," nakangiting baling sa akin ng doktor.
"Dok, gaano po katagal bago po siya makapaglakad ulit?" tanong ko rito. Naisip ko kasi na kapag mas mabilis ang recovery niya, makakabalik ulit ako agad sa trab
