Joaquin
“ROSE petals, candles, lights, red wine, food, music, bouquet. . . Ano pa ba ang kulang?” anas ko habang hindi mapakaling tinitingnan ang kabuuan ng paligid. Paroo’t parito akong naglalakad habang sinisipat ng tingin ang lahat ng anggulo ng lugar na magiging saksi ng espesyal na gabing ito.
Sa gitna ng gazebo ay may dalawang upuan at mesang hugis biluhaba na gawa sa kawayan na punong-puno ng talulot ng kulay pulang rosas. Sa ibabaw nito ay may nakalagay na tatlong scented na kandila na nakalagay sa candelabra. Sa paligid naman ng gazebo ay may may mga nakasabit na fairy lights na tila nagnining na mga bituwin.
Sa itaas naman na katapat ng mesa na pupuwestuhan namin ay may mga nakasabit na mga pulang lobo. Isa sa mga iyon ay naglalaman ng maliit na box kung saan nakalaga
