Chapter 59
JEANNA
NAGKAAYOS KAMI ni Tyler at siya pa rin ang naghatid sa akin pauwi sa probinsya. Bagama't napag-usapan namin ang nangyari sa family gathering nila at ilang ulit siyang humingi ng tawad sa akin dahil sa inasal ng mga kamag-anak niya ay hindi pa rin nawawala ang agam-agam ko patungkol kay Erin. Iba ang sinasabi ng kutob ko sa babaeng iyon. Nabanggit rin sa akin ni Tyler at magtatagal ng ilang buwan ang bakasyon ni Erin bago bumalik sa States dahil mayroon raw itong dapat na asikasuhin kaya bumalik siya sa Pilipinas. Hindi na ako nagtanong pa pero malakas ang kutob ko na may kinalaman si Tyler sa aasikasuhin niya. Sana lamang ay mali ang kutob ko.
Nasa trabaho ako at parang lutang pa ang isip ko habang nag-che-check ng test papers ng bata.
"Kulang yata ang dilig, ah? Pa
