Chapter 60
JEANNA
Bumalik ako sa puwesto namin dala ang order ko para sa amin. Hindi niya ginagalaw ang pagkain at parang tinitingnan lang ako sa mata na wari ko'y may binabasa.
"Hindi ka man lang ba kakain? Sayang naman ang pagkain kung hindi mo kakainin," sabi ko sa kaniya.
"M-May problema ba, Jea? Para kasing ang lungkot ng mga mata mo."
"Napagod lang ako sa dami ng paperworks," pagdadahilan ko. Kung hindi lang dating nanligaw sa akin si Jerico ay baka madali lang sa akin na mag-open sa kaniya ng nararamdaman ko ngayon dahil kay Tyler. Ayaw ko namang maging insensitive lalo na at hindi ako sure kung naka-get over na siya sa akin.
"Mahirap bang maging teacher? Hayaan mo kapag may sarili na akong kompanya ay kukunin kita ulit bilang secretary ko," patawa-tawang sabi niya ngunit m
