HINITHIT ni Kyzer ang sigarilyo saka pinaglaruan ang usok, tila nababawasan niyon ang bigat sa kaniyang dibdib. Inilapat niya ang likod sa backrest ng sofa at pinanood ang usok na animo'y sumasayaw sa hangin.
Hindi na niya kayang itago ang nararamdamang iyon kaya nagpaalam na lang siya sa kanila Naylor at umuwi sa bahay.
Binuhay niya ang TV pero nakatitig lang siya roon habang ang isip ay lumilipad.
Nasa ganoong ayos siya nang tumunog ang doorbell.
Hindi siya tumayo, pero nang muli iyong tumunog ay tumayo siya at tinungo ang video door intercom para tingnan kung sinong nasa labas.
Napabuntong-hininga siya nang makita kung sino iyon. Kumilos siya at bagsak ang balikat na tinungo ang gate.
•••
"KYZER!" sabik na tawag ni Maxine sa ama ng kanyang baby nang bahagyang umingay ang gat
