MATAPOS na makipag-kwentuhan ng kunting sandali kay Kylie at Naylor ay nagpaalam si Maxine na pupunta lang siya sandali sa powder room.
Nagpaiwan naman si Marcus doon at tila palagay na nakipag kwentuhan ulit sa kanila Naylor gaya nang pumunta ang dalawa sa Quezon.
Friendly naman paano talaga ang binata at hindi naman din talaga mahirap pakisamahan kaya lang, hindi pa din talaga niya ito matipuhan.
Pero sa ngayon naman kahit paano ay magaan na ang loob niya dito.
Hindi niya agad nakita ang powder room.
Noon lang niya naisip na dapat ay nagpasama na lang siya saglit kay Kylie.
Lumakad pa siya hanggang makita ang hinahanap. Nasa sulok pala iyon.
Pumasok siya doon at nang matapos ay lumabas din siya agad.
Tinutugpa na niya ang daan pabalik nang biglang may humawak sa braso niya.
