Kyzer

6

NILINGON ni Kyzer si Anica matapos niyang ihinto ang kotse nito sa tapat ng isang hotel.

Nasa conference meeting pa siya ay tinadtad na siya nito ng tawag sa cellphone. Kaya nang matapos sila ay nag-return call siya rito at nalaman niyang nakauwi na pala ito ng bansa.

Mahigit apat na taon din silang hindi nito nagkita. Mas lalo pa itong gumanda at sumeksi ngayon.

Isa rin ito sa mga naging karelasyon niya na hanggang ngayon ay ninanais pa rin siyang makatabi sa kama.

Tila hindi na ito makapaghintay. Hinila siya nito sa kuwelyo ng long sleeves polo niya at kaagad na sinalubong ng mapusok na halik ang kaniyang labi.

Ewan ba niya, desente at edukada naman ang mga babaeng nakikilala niya pero oras na nagkaroon na ng kaugnayan sa kaniya ay tila ba nawawala na sa katinuan.

Ayaw niyang isipin na masama ang impluwensya niya pero hindi talaga niya maiwasang maisip iyon.

Gayunpaman, maikli lamang talaga ang self control niya pagdating sa makamundong bagay, kaya heto na naman siya.

Nang maghiwalay ang kanilang mga labi ay nagpatiuna itong bumaba sa sasakyan.

Sumunod siya rito papasok sa hotel bitbit ang ilang piraso ng condom.

•••

HINILA ni Maxine ang maleta patungo sa elevator. Saglit siyang napatulala roon bago pinindot ang call button.

Nang bumukas iyon ay kaagad siyang pumasok doon.

Nakababa ang tingin niya habang unti-unting nagsasarado ang elevator. Ngunit bago pa iyon tuluyang magsarado ay may pumigil doon.

Kasabay ang muling pagbubukas niyon ay ang pagtaas niya ng tingin upang pindutin sana sa floor selection button ang numero ng palapag na kaniyang bababaan.

Muntik ng lumuwa ang mga mata niya nang hindi sinasadya ay mapatingin sa dalawang magkapareha habang lumalakad papasok doon sa elevator ng magkalapat ang mga labi. Bakas sa kilos ng mga ito ang matinding kasabikan sa isa't isa.

Kikilos sana siya upang lumabas pero nadikdik siya ng babae sa wall ng elevator. Nakatalikod ito sa kaniya habang nakayakap sa lalaki kaya hindi siya napansin.

"E-excuse me," lakas loob niyang sabi upang ipaalam sa mga ito na naroon siya at hindi solo ng mga ito ang elevator.

Tila natigilan naman ang mga ito at kaagad na humilig ang ulo ng lalaki upang masilip siya sa likuran ng babaeng yakap nito.

Kapwa sila nagulat ng lalaking ito nang makita nila ang mukha ng isa't isa.

Si Kyzer.

Hindi niya ito nakilala kanina sa pagpasok nito roon sa elevator dahil nakadukdok ang mukha nito sa mukha ng kasama nito.

"Kyzer?" pukaw rito ng kasama nitong babae.

Kumurap naman ang binata na tila mabilis na nakabawi sa pagkabigla.

Patay-malisya nitong ini-ayos ng puwesto ang babaeng kalaplapan nito.

Inilayo nito ang sarili sa babae at noon lang yata naalalang pindutin ang floor selection buttons.

Napa-angat ang mga kilay niya nang makitang pinindot nito ang numero ng palapag na patutunguhan ng mga ito. Sa iisang palapag pa pala talaga sila.

Ipinagitna nito sa kanila ang kasamang babae.

Habang tumataas ang elevator ay hindi niya napigil na lingunin ang kasama ni Kyzer at hindi sinasadya na napatingin siya sa napakayaman nitong dibdib.

Alam niyang hindi ganoon kalaki ang kaniya pero para sa kaniya, hindi niya papangarapin ang magkaroon ng ganoon kalaking dibdib.

Napakislot siya nang may maramdaman sa kaniyang tagiliran.

Ibinaba niya ang tingin doon.

Pasimple palang idinukdok ni Kyzer ang lighter nito sa kaniyang tagiliran upang kunin ang atensyon niya.

Itinaas niya ang tingin sa mukha nito na diretsong nakatingin sa unahan pero nang maramdaman na nakatingin siya rito ay pasimple siya nitong nilingon.

Hindi nakalapat ang likod ng babaeng ito sa metal wall kaya nagawa nila ni Kyzer na makita ang isa't isa sa bandang likuran nito.

Salubong ang mga kilay na tiningnan siya nito.

Tinikwasan niya ito ng kaliwang kilay saka tumingin sa harapan.

Bumukas ang elevator.

Hinayaan niyang mauna ang mga ito. Nang makalabas na ang mga ito ay saka lang siya lumabas doon.

Napalingon sa kaniya si Kyzer pero binawi rin kaagad ang tingin.

Magkasunod silang naglakad sa hallway hanggang sa marating nila ang hotel rooms na uukupahan nila.

Sabay pa silang nagkatinginan ng binata. Magkatabi lang din sila ng silid?

"Kyzer, bilisan mo na," inip na wika ng kasama nito.

Kaya naman nagmadali na ang binatang buksan ang pinto gamit ang key card na hawak nito.

Nauna nang pumasok ang dalawa sa silid.

Napatingin siya sa nakapinid na dahon ng pintuan ng silid ng mga ito nang marinig ang kalampag doon.

'Hindi na yata kinaya na makalapit sa kama,' sa loob-loob niya bago napaantanda ng krus.

Napailing siya bago ipinukos ang sarili sa pagbubukas sa silid niya.

•••

KAAGAD siyang sinalubong ng halik ni Anica pagkalapat pa lang ng pinto.

Nakapikit ang mga mata nito habang siya naman ay mulat na mulat.

Tinutugon niya ang halik nito pero ang isip niya ay abala kay Maxine.

Parang nakikita pa niya ang naging reaksyon nito kanina, maging siya ay nagulat din nang makita ang dalaga sa elevator.

Umukit din sa isip niya ang ayos nito.

Nahantad ang maganda nitong buhok, mas maganda pala ito kapag walang wimple sa ulo.

Kagyat na nakuha ni Anica ang atensyon niya nang hubaran siya nito ng damit.

Nang muling maglapat ang kanilang mga labi ay pinilit niyang iwaksi sa isipan si Maxine.

Minadali niya ang pagtatalop dito na labis naman nitong ikinasiya.

Kaagad itong lumuhod sa harap niya at sabik na sabik na isinipilyo ang kaniyang eight point five inches na kargada.

Nagpatuloy pa ang mainit na kaganapan sa pagitan nila. At doon mismo sa pagkakatayo nila sa pintong iyon ay idinaos nila ang kanilang unang round.

•••

IBINALOT ni Maxine ang katawan sa makapal na tuwalya matapos niyang mag-shower.

Lumabas siya sa bathroom at kinuha ang maleta niya upang kumuha roon ng ibibihis nang marinig niya ang katok sa pinto.

Napakunot ang noo niya dahil ang pagkakaalam niya ay naka-DND sign siya.

Tinungo niya ang pinto at binuksan iyon.

Nakita niya ang room service attendant dala ang room service tray.

Oo, tray lang talaga at hindi room service trolley o table.

"Excuse me, pero hindi ako tumawag para sa room service, saka naka-DND sign ako," sabi niya rito.

"Pasensya na po, Ma'am, pero tumawag po ang kasama ninyo sa kabilang kwarto at sinabi na—"

"Okay," putol niya rito para hindi na humaba ang usapan dahil nakabalot nga lamang siya ng tuwalya.

Niluwangan niya ang pagkakabukas sa pinto para papasukin ito.

'Kyzer!' inis na bigkas niya sa pangalan ng binata.

"Hi!"

Natigil siya sa gagawing pag-alis sa pinto nang marinig ang boses ni Kyzer.

Tumingin siya rito.

Nakangiti ito. "May I come in?" tanong nito na sinabayan ng pagpasok hindi pa man lang siya nakakasagot.

Napasunod siya ng tingin dito.

'He's impossible!' sa loob-loob niya.

"Thank you!" sabi nito sa room service attendant at inabutan ito ng tip.

"Thank you, Sir," malawak ang ngiting sabi nito sa binata bago bumaling sa kaniya. "Excuse me po," sabi naman nito sa kaniya at lumakad na palabas doon.

Nang makaalis ang room service attendant ay humalukipkip siya at hinarap si Kyzer.

"Nakakalungkot matulog na mag-isa sa kama, Sister," seryosong sabi sa kaniya ni Kyzer.

"Sanay ako na nag-iisa, kaya p'wede ka na umalis at bumalik sa girlfriend mo sa kabilang room," pagtataray niya rito.

"Of course, hindi ko naman sinabi na sasamahan kita rito, Sister, curious lang ako kung bakit ka nandito."

"Pinahintulutan ako ni Mother Superior—" naputol niya mismo ang sasabihin nang maisip na bakit kailangan niyang ipaliwanag dito iyon.

Ngumiti ito at hindi nahiyang hagurin siya ng tingin.

"Well, thanks na lang sa pa-room service mo," sabi niya saka lumakad palapit sa dala ng room service attendant kanina na nakapatong sa kuwadradong mesa na naroon at binuklat ang takip niyon para lang matigilan.

Tiningnan niya si Kyzer na noon ay nakatitig at pilyong nakangiti sa kaniya. At nakakainis iyon dahil napaka-guwapo nito sa paraan ng pagkakangiti nito dahil pati ang mapupungay nitong mga mata ay tila nakangiti rin.

Nagpa-room service talaga ito para lang sa dalawang nilagang itlog? Hindi siya malisyosang tao kaya hindi pumasok sa isip niya ang kapilyuhang naiisip nito.

Gusto niyang mapatiim-bagang, muli niya iyong tinakpan.

"Hard boiled 'yan, Sister," pilyo ang ngiting sabi nito sa kaniya. "Hindi ko kase alam, Sister, kung ano'ng gusto mo sa itlog, kung 'yong binabate ba o 'yong—"

"Labas," putol niya sa binata sabay turo sa pinto. "Kung ayaw mong batihin ko sa sipa 'yang itlog mo."

Hindi ito nasindak sa sinabi niya.

Hindi ito kumilos kaya tinungo niya ang telepono para tumawag ng security pero maagap nitong napigilan ang kamay niya bago pa man lumapat doon.

Mabilis naman niyang tinapik ang kamay nito pero maagap din siya nitong napigilan sa kamay na ginamit niya na pantapik dito. Sa makatuwid ay hawak na nito ang dalawa niyang kamay.

Gumana ang tuhod niya pero maagap iyong na-block ng tuhod nito bago siya itinulak palapit sa nakabukas na pintuan ng bathroom.

Sinubukan niya ulit itong tuhurin ng ilang beses pero nabalewala lamang iyon dahil nagagawa nitong i-block ng mga tuhod nito ang mga tuhod niya.

Hindi naman niya magawang lumikha ng malawak na pagsipa dahil nakabalot nga lamang siya sa tuwalya na halos hanggang tuhod niya.

Hanggang sa nadala siya nito papasok sa bathroom.

Nainis siya kaya pinilit niyang bawiin ang mga kamay niya sa pagkakahawak nito at kusa naman nito iyong binitawan para alisin sana ang pagkakabuhol ng tuwalya niya pero mabilis niyang nahawi ang dalawang kamay nito.

Ngumiti ito na lalo niyang ikinainis.

Nakita niya ang vase ng live indoor plant doon. Dadamputin sana niya iyon para ipukol dito pero naunahan siya nitong sipain iyon palayo.

Bumagsak iyon sa tiled floor at nabasag.

Sinubukan muli nitong alisin ang pagkakabuhol ng tuwalya niya pero hindi niya ito hinayaan.

Nagsalpukan ang mga braso at siko nila. Hanggang sa maisip niyang tuhurin ito ulit na siyang naging pagkakamali niya dahil nahawakan siya nito sa binti.

Napaliyad pa siya ng hilahin nito ang binti niya upang magkalapit ang ibabang bahagi ng mga katawan nila.

Dahilan para mawalan siya ng balanse kaya napahawak siya sa magkabilang balikat nito.

"Kulang ka pa sa husay, Sister," seryosong sabi nito sabay tulak sa kaniya sa bathtub.

Patihaya siyang lumubog sa tubig pero mabilis ding bumulwat sa isip na baka lumusong ito roon.

Natigilan siya nang ipakita nito sa kaniya ang tuwalya niya. Nagawa pala nito iyong alisin sa kaniyang katawan na hindi niya namalayan.

"Those sexy t**s," nakatawang sabi nito.

Napaawang ang bibig niya bago napatingin sa kaniyang sarili at kaagad niyang naitakip ang mga braso sa nakahantad niyang dibdib.

"Bastos!" galit na bulyaw niya kay Kyzer kasabay ang pagpukol dito ng matalim na tingin.

Tila balewala naman dito ang sinabi niya.

Inihagis nito ang tuwalya sa kaniya at kasama niya iyong nabasa. Tumalikod ito na walang paalam.

Pinuntahan lang ba talaga siya nito roon para asarin?

Nagpupuyos ang kalooban niya sa sobrang inis dito.

Humanda ang lalaking ito kapag nagkaroon siya ng pagkakataon.