PAKIRAMDAM ni Kyzer ay napakatagal niyang nagbiyahe bago nakarating sa lokasyon.
Medyo kalat na ang liwanag sa paligid ng sandaling iyan.
Kaagad siyang bumaba sa kotse at pumasok sa kalawanging gate na lumikha ng ingay kaya bahagya pa siyang naalarma bago nagpatuloy sa paglakad papasok sa bakuran habang binubunot ang baril na nakasuksok sa kanyang baywang.
Tahimik na tahimik ang kapaligiran maliban sa huni ng mga pang-umagang ibon at insekto buhat sa mga punong kahoy sa paligid.
Hinagod niya ng tingin ang dalawang palapag na lumang bahay. Napakalayo nito sa kabahayan, at tila sa tagal ng panahong inabandona iyon ay naging madawag na ang paligid. Perpektong lugar para sa masasamang aktibidadies.
"Kylie..." pabulong na sambit niya sa pangalan ng kapatid habang palapit sa doorway.
Buk
