NAGISING ang diwa ni Maxine pero hindi pa rin niya magawang imulat ang masakit na mga mata na noon ay lalo nang nangitim ang paligid.
'Nasan ako? ' tanong niya sa isip.
Tahimik na tahimik at wala siyang marinig.
Pakiramdam din niya ay walang hangin sa kinaroroonan niya dahil nahihirapan siyang huminga.
Pinakiramdaman niya ang paligid at pinilit na igalaw ang masakit na katawan partikular sa bahagi na pinatamaan ni Lyndon ng tubo kanina.
Noon lang niya naramdaman na nakatali pala ang kanyang mga paa't kamay.
"Kylie!" sigaw niya nang bigla ay maalala ang kaibigan.
Napakunot ang noo niya nang marinig ang sariling boses.
Bakit ganoon? Parang medyo tumataginting ang boses niya? Nasaan ba siya?
Kumabog ang dibdib niya nang mas higit pa sa nararamdaman kanina.
"Kylie!" muling s
