Napipikit pa si Jasmin habang nagpapahid ng lip gloss sa kanyang mga labi. Halos dalawang oras lang ang naitulog niya dahil kailangan niyang gumising ng alas tres ng madaling araw. Alas singko aalis ang kanilang grupo papunta sa Quezon. At dahil siya ang punong abala sa event na iyon, kailangang mas maaga siyang makarating sa kanilang opisina. Mamaya na lang siya babawi ng tulog habang nasa biyahe sila.
Isang beses pa niyang tinignan ang sarili sa salamin. Napangiti siya ng makita ang repleksyon doon. Hindi talaga siya nagkamali sa pagpili ng dress na suot. Kahit paano ay may pampalubag loob siya sa sarili dahil sa mahal niyon.
Nakahanda na siyang umalis nang makarinig nang malakas na katok sa pinto ng inuupahang apartment. Biglang kumabog ang kanyang dibdib. Sino naman ang pupunta sa ba
