Sinikap ni Jasmin na kalimutan ang nangyari kaninang umaga sa pagitan niya at ng grupo ni Kristine at nagpatuloy na lang sa mga aktibidad nila sa araw na iyon. Ngunit hindi nakakaligtas sa kanya ang makailang beses na pagtatawanan ng mga ito sa tuwing nasa malapit lang siya o kaya naman ay hantarang ipinapakita iyon sa kanya kapag napapatingin siya sa mga ito.
"Pigilan mo ako, malapit na akong mapikon sa mga feelingerang iyan!" naiinis na mahinang sabi sa kanya ni Nikki na katabi lang niya. Naroon sila sa beach front at nanonood sa mga kasamahang naglalaro ng volleyball.
"Hayaan mo na sila," pigil niya sa kaibigan. Kung siya ay pilit nagpapaka-cool, ito naman ay hindi na maitago ang inis sa grupo ni Kristine. "Huwag mo na lang silang pansinin at baka pag-initan ka rin nila."
"Wala akong
