Kapapasok lang ni Jasmin sa kanyang hotel room at hindi pa nga nag-iinit ang kanyang likod sa malambot na kutson ng kamang naroon ay nakarinig na siya ng mga katok sa pinto. Ayaw man niyang isipin ay mukhang alam na niya kung sino iyon. Wala namang ibang mang-iistorbo sa kanya kung di si Harry lang. At malapit na siyang mag-isip ng iba dahil sa ipinapakita nito.
Halos hindi na ito humihiwalay sa kanya magmula pa kaninang sinundo siya nito. At tiyak na hindi lang siya ang nakakapansin niyon. Ramdam niya ang mga tingin ni sir Jason sa kanila, bagamat siguradong hindi naman ito magtatanong. Maging ang mga maiinit na mata ng kanilang mga kasama ay para rin siyang sinisilaban. Kanina pa siya tinetext ni Nikki pero hindi niya pa sinasagot. Siguradong kukulitin lang siya ng kaibigan.
Kung bakit
