Hinayaan ko na lang din si Juliana at Gabay sa likurang bahagi ng sasakyang sinasakyan namin ngayon hanggang siguro sa makarating sa destinasyon namin.
NAPAILING na lamang ako nang mabaling ang tingin ko sa unahang bahagi ng sasakyan. Napaka-traffic. Mukhang bumper to bumper pa yata ang mga behikulo.
"Ano'ng lugar na ba 'to, Manong?" tanong ko.
"Edsa ho ito, Boss. Ganito talaga dito lalo na't byernes ngayon at araw ng sahod pa. Maiipit talaga tayo," sagot naman nito sa akin.
Napasinghap na lamang ako nang mapatingin ako sa metro niya halos nakadalawang daan na pala kami. Kung magtatagal pa ang traffic na ito baka sa daan pa lang abutin na kami ng ilang libo. Ayaw ko rin magtanong kay Juliana kung may sapat pa ba siyang halaga. Baka kailangan ko na rin maghanap ng trabaho para pangtusto
