"Muffin, are you okay?" malambing na pisil na lang ni Jordan sa kamay ng kasintahan nang mapatigil sila sa isang intersection.
"Huh?" wala sa sariling baling na lang ni Cassady rito.
Naroon kasi ang pagkalutang ng kanyang utak ng mga sandaling iyon, ayaw pa rin kasi mawala ang kaguluhan sa kanyang isipan dahil sa mga iniwang salita ng matandang lalake sa kanya. 'gaano mo kakilala iyong bago mong boyfriend.' paulit-ulit pa rin ang mga katagang iyon sa kanyang isipan kaya naman napapatulala na lang siya sa kung ano ba ang nais nitong sabihin.
"Galit ka ba?" muling tanong ni Jordan dahil sa pananatiling tahimik ng kasintahan.
Naroon ang tila nagmamakaawang mga mata ng lalake habang nakatingin sa kanya. Hindi nakuha ni Cassady ang nais iparating ng kasintahan kaya naman napakunot siya
