"Mam isang malakas na ire pa po!" pakiusap na lang ng midwife sa kanya.
"I can't, hindi ko na kaya," naiiyak niya na lang na sambit sa babae.
Hinang-hina na kasi siya ng mga sandaling iyon dulot ng pagod at sakit na kanina niya pa iniinda. Naliligo na nga siya sa pawis ng mga sandaling iyon dulot ng matinding hilab ng kanyang tiyan.
"Mam, nakakapa ko na po iyong ulo ng baby," pagbibigay alam na lamang ng babae noon mabatid na sumusuko na siya.
Kaya naman sa kaba ni Cassady na may mangyaring masama sa sanggol ay inipon niya ang natitirang lakas upang itodo na ang pag-ire.
"Gaaaaaaah!" malakas niya na lang sigaw.
Pakiramdam niya ay kumakawala na ang laman loob niya, kasunod ng tila pagtakas na lamang ng lahat ng hininga sa kanyang katawan. Pero lahat ng iyon ay napalitan ng ginha
