GEORGINA’S POV
Nagulat ako nang makita si Brandon na nakatalikod sa akin habang may hawak na malaking kutsilyo at may tinatadtad sa harap niya. Kaya dahan dahan akong lumapit para tingnan ang ginagawa niya.
Malaking isda pala.
Kaya naman nangangamoy malansa ang buong kusina. Ang dami ring nakasalansang isda sa lababo, iba iba ang laki at uri.
“Ang laki naman niyan, Bran. Ikaw ba ang kumuha niyan?” tanong ko.
Hindi siya tumingin sa akin. Nasa ginagawa niya lang ang buong atensyon niya.
“Oo,” simpleng sagot niya.
“Wow. Ang galing mo naman.”
Hindi ko naitago ang paghanga sa boses ko.
“Gusto mo bang makatikim ng bagong huli? Mas masarap iyan kapag bagong bago pa.”
Kumunot naman ang noo ko.
“Ano palang pinagkaiba ng bagong huli?”
“Mas malasa. Sige, magluluto ako nitong lapu lapu. Ta
