SI Faith pa rin ang kasama ni Yuan hanggang sa paglabas nito sa hospital. Maliban kay Attorney Lorenzo ay wala namang ibang dumalaw pa kahit isang kaibigan ng lalaki sa hospital. Siya na rin ang nag-drive patungo sa penthouse ng lalaki.
Magaling na ang braso nito ngunit ang isang paa ay naka-cast pa rin.
Gamit ang saklay ay inalalayan niya si Yuan nang bumaba ito sa sasakyan. Hindi pa rin niya magawang iwanan ang lalaki sa ganitong kalagayan lalo pa’t wala naman itong malalapit na kaibigan.
Naisip niyang malungkot din pala ang buhay ni Yuan sa kabila ng yaman nito. Wala ito masyadong mga kaibigan dahil halos sa States naman ito lumaki. At kung magbakasyon man ito sa Pilipinas ay palagi sa isla lang ito pumupunta. Nature lover itong si Yuan. Mas gusto nitong umakyat ng bundok at pumun
